استأذنك با غيب مافيه رجعـه
قررت اغادر من حياتك نهائي

أوقدت شمعه وانطفت الف شمعـه
مافاد بك يا إبن الأوادم رجائـي

نهرالوفاء بالقلب ماجف نبعـه
إعطي ولكن من يقدر عطائي!

جيتك وكلي مندفع لك بسرعة
حسبت قربك من يبدد عنائـي

بنيت أنا الأحلام للعشق وقعه
اشعلت قنديل الفرح في سمائـي

شربت همك والغدر فيـك نزعـه
ظميت كلي والغلا في دمائـي

كشفت حبـك بالزمـن صار خدعـه
خدعه كبيره تختلف عن وفائـي!!