كويتني ياخل كويه غايره
تغلغلت في خافقي واحرقتني
تصلي مثل جمر الغضى يا جايره
ما ارتحت في نومي وهي مشغلتني
ياشين حب صار قصه عابره
وين العهود اللي قبل معطيتني
القلب متقلب وانا ما أعاشره
والحب له ذكرى معي متعبتني
القلب له حزات غصبا تسايره
لكن كية مولفيي شلوطتني
اخبر زماني والمشاعر خايره
صبري على قلبي ولو منه غبني
ما ظن مثلي في السنين الغابره
صابر ولو قل الصبر قلت عطني
زلزل منامي و الجوارح حايره
كابوس جاني قلطته مرعبتني
فزيت انا مرعوب عيني طايره
بسمة حبيبي شفتها ضمدتني
(
(
