لايافتــــــاة العُــــــرب وش جازوك يالوجه المنـــيــــــــر
وش حـــل بـــك وين الحصون اللي علت حيطـــانـــها
لك مـــدةً وجـــهـك عبس والوصف في همك يحـــيـــر
تنـــخين ياويـــن العـــرب وش صـــار يا فرســـانهـــا
شومـــي حــرام اللي يصير ولا يهمك وش يصـــيـــر
شومـــي تــرا جاك الفزع من يوم جـــاء سلمانـــهــا
اللي جـــرا في ماضي الازمــان شـــرٍ مستطـــيـــر
ولا يضـــد الشـــر كـــود الخـــيـــر في ميـــدانهـــا
اســـمـــك تسامـــاله شعـــور المجد باليوم الكبيـــر
لا ياعـــروبـــه دمعـتـــك ماهـــو قليـــلٍ شـــانـــهـــا
عـــودي لدارك واسكني مجلْسك ماهو من حصيــر
استـــوطني بيدين مـــن لاقـــال كلمـــه صانـــهـــا
ايـــه ايــه شومي واستري يابنت مجدول الحريــر
ســـتـــره بيمنى ســـيدي حاميك من جرذانـــهـــا
سلمان ابن عبد العزيز ابـــوه من فوق البعـــيـــر
ارسى الحكم واستبشرت نجد بربى سلطانهـــا
هـــذا الامام ايـــه الامام اصل الامامه والاميـــر
امـــيركم يامؤمنـــين الديـــن بـــين اوطانـــهـــا
ان قلت حاكم يالوصوف اللي حوت راسه كثير
وان قلت الامه ياهو اللي صار غصب انسانها
وحده له الطاعه ولا نرضى بهالكلمه شوير
الله وضع فيه السبب سبحان عالم شانها
هذا ملك وراه دوله ماتخبط بالمسير
تدرس جميع اوضعاها قبل تحط رهانها
والحمد لله ماخسرنا بالعطا حبة شعير
واللي يبي نمد له من كفنا سفطانها
ابو فهد يمناه بالعوجا تلوح للبشير
وتصافحه ماليزيا ونواز باكستانها
ويشوش اخو نجلاء حمد ويشاركه نفس المصير
زايد له عيالن على العليا تعاضم شانها
وتهلي بفرحه مصر وتباشره نفس المسير
والاردن تشارك بطولة سيدي واركانها
وشفنا رجال العاصفه تبغا المواجه ماتذير
والدانه كويت العروبه مرسله فرسانها
وترامب زار المملكه امر على الاعدا خطير
جا للرجال اللي لياقالت تحفظ ايمانها
جا للبلاد اللي لها على العرب تاثير غير
ومليكها اليا خطب لدت عليه اذهانها
وبوتين يطلب وصلنا وهذا على مثله عسير
الا بكل شروطنا دقيقها وسمانها
هذي تجمّع كيف يالعقل المفتح والنوير
ماتجتمع في غير حكمة سيدي ربانها
دفة سفينتا تموج بها العواتي والخبير
قبل اربع اعوام يقول الخيل طار عنانها
مايدري ان الفيصلي في ضيعة الاريا يصير
اكبر حكيم يقود الامه لين شط امانها
ولي عهده سيفه المجرود للمنصب جدير
تحت النظر نفسه يدا سلمان هو ميدانها
حر مواكيره قمم ينهل من الطود الكثير
مجد وهمم راس الهرم انت انت يامزبانها
مبايعينه سمعن وطاعه شف الجمع الغفير
تبايع الامه بطل على هدى قرأنها
وهو المسد هو عونها هو حرزها وهو الوزير
محمد ان دقت طبول الحرب جاك حصانها
وزير حرب المملكه على سريعات المطير
يحرر اجواء الديار اللي تخون اخوانها
في وقفته تهتز دار مانوت بالعُرب خير
له وقفت هزت عروش الفرس وسط ايرانها
حربه عذاب الله على المخزين ميتين الظمير
وجيشه ليامنه دخل يقلب لنا ميزانها
ماحاربونا الا خبولن تتبع العقل الضرير
وعما البصيره يتبع النفس وطلب شيطانها
حنا نرحب بالجميع وديدن الدوله شهير
للطيب عذوق النخل دون العدا شامانها
ماتعتلي هاماتها ولا لها تاثير مير
الروس لارازت لنا حنا نجب ادقانها
اليا زمو نزمي ولا العوجا تنبا للنذير
الحرب لامن دندرت في دارهم دخانها
ياسيدي سيفك مقره ماهو بوسط الجفير
اضرب ياخو نوره سطر ماله سوا سلمانها
بشتك تزابن له جموع من غني ومن فقير
انفض طرف بشتك يطير مع الهوا خوانها
لو تبطش العوجا صواب ولا تهاب ولا تذير
من دونها كن الرجال من الحديد ابدانها
وراك شعب لا دعته الحرب عنها ماينير
الارض عرضه لو تكون الروح منه اثمانها
اليا احتما الماقف وصار الامر محتوم وخطير
روسن لنا والله يشاف الموت بين اعيانها
ناطا على الموت الحمر لامانتقهقر بالمسير
من يومها بالخيل حنا اللي نذب ارسانها
متجندين سلاحنا التوحيد حيين الضمير
وسيف العقيده للعدا زلزل جميع اركانها
ياسيدي وانا احمد اللي خصنا بالعز غير
الواحد اللي لا رضا عل الديار امانها
تطورات المملكه ماتنقطع عن النظير
تطورات دوم نسمع بالبلاد اعلانها
كنا على حقل ليا منه نضب يعود بير
واليوم رؤيتنا تقول بروسنا عنوانها
خليت من دم الشباب بحور نفط ماتحير
تنتج وتنضح بالنشاط اللي شعم نيرانها
ياسيدي سلمان والموقف على الامه خطير
وشاشت عروبتنا تقول العز ياسلمانها
(
(
