على عيني فراقك لي ولكن المقدر صار

وأنا وش حيلتي قدام باري الخلق ياعيني

أنا ودي أشوفك بس حارت فيني الأفكار
وصار اللي بغيته حلم يبعدني ويدنيني

صحيح إنا تفارقنا وقلبي في بعادك حار
ولكن الأمل باقي وكلماتك تواسيني

أشوفك في ثنايا العمر في الجيران والزوار
أشوفك في بقايا الأمس في يومي وفي سنييني

كلامك بسمتك ضحكك بنضوي في زوايا الدار
تذكرني بحب اللي خياله ساكنٍ فيني

حبيبي مستحيل أنسى وحبك في فؤادي نار
بتطفيها حبيبي يوم تلمس كفة أيديني

فمان الله ياقلبي فمان الواحد الغفار
فمان الله يانبض الفؤاد ياأجمل دواويني

وكل إلي أنا أرجيه تبقى بيننا الأسرار
الين ألقاك لو لحظه أو طيفك يناجيني