القلب يشكي كثر الأشواق
ومن السهر تشكي لي أمواقي
وأنا لشوف الزين تواقي
لكن مرابط....... والوطن غالي

بدلت أنا بيتي........ بمتراسي
والغترة بخوذة على راسي
في الحد مثل الشامخ الراسي
جندي مرابط والوطن غالي

لأجل الوطن قدمت أنا روحي
قدمتها والصدر مشروحي
ماهمني والله لو تروحي
تفدا الوطن لإن الوطن غالي

يا بو فهد ما ناضت عزومي
أبدن وهذا الأمر مجزومي
باقي على عهدي وملزومي
أحمي الوطن لإن الوطن غالي

يا بو فهد هذا ترى حنا
بالعدو ما نرأف ولا نحنا
وبدمه القيعان تتحنا
لأجل الوطن لإن الوطن غالي

يوم النداء للحرب لبينا
في لمح طرف العين هبينا
حتى ولو بالنار شبينا
ما همنا لإن الوطن غالي

نقدم صفوف ليس ايابه
مهما الخطر ماالنفس هيابه
كل يقول الموت حيابه
دون الوطن لإن الوطن غالي