تسعين عامٍ للوطن شانها شان
من يوم توحيده إلى عهد سلمان
عبدالعزيز أرسى الدعايم والأركان
وركب قواعدها على العز تركيب
من بعد باني العز جا عهد الأنجال
سعود واخوانه إلى يوم الأبطال
سلمان ومحمد ورى ضرب الأمثال
أرهو لدار العز كل المطاليب
يوم الوطن عالي وغالي ومضمون
غــلا بقلوب الشعب واضح ومكنون
عن كل حاسد والعدو دوم مصيون
بقيادة أهل الجود والعز والطيب
هذا الوطن نفخر ونعتز بأرضه
ولكل مسلم فيه قايم بفرضه
نفداه بالأرواح طوله وعرضه
حب الوطن واجب بلا شكٍ أو ريب
فيه الحرم ومساجدٍ بالمدينه
وفيه زمزم نرتوي من معينه
طاهر بأمر الله وفيه السكينه
والأمن والإيمان من عالم الغيب
فيه الرجال أهل الوفا والحميه
سيوفهم وقت اللقا صيرميه
وكفوفهم بالجود دايم نديه
ماحد رماهم بالرديه وبالعيب
أهل النقاء وأهل طيب الكلامي
لهم تحيه والغلا والسلامي
من ديرة أهل المرجله والحسامي
وتنصب لهم رايات فوق المراقيب
قامت حضاره في نواحي بلادي
بالعلم والتقوى وعقل الرشادي
ولأهل التضامن والمحبه ننادي
عاشت بلاد أهل الكرم والمواجيب
يارب تحمي كل دارٍ السعودي
وتحمي اللي يخدمه والجنودي
أنت الذي من فيض جودك نجودي
في كل خيرٍ يسعد النفس وتطيب
(
(
