يامجددة بإشراق فكرك صباحي
ياناطقة بإسلوب نهج ٍ فصيحي

ياشمس وجدي والبهاء وارتياحي
يازاهية معنى الغزل والمديحي

يانور دربي يا زمام انشراحي
ودي بعد عصف الغرام أستريحي

ديم اشتياقي في مراميك طاحي
وجيتك مود ٍ في خفوق ٍ جريحي

ريح الغلا والشوق تدفع جناحي
حتى اتجه لك في مجال ٍ فسيحي

تكسرت في خط سيري إرماحي
وحتى الزمن في غيث وصلك شحيحي

عزف الهوى بالطوع روّض جماحي
والا من أول ما أشتقيت بمليحي

جيش الصبابة سادر ٍ باجتياحي
ومن الجوى مافيه قلب ٍ امريحي

من لوعة الحرمان تنزف اجراحي
حسبي على اللي للدما يستبيحي

دمي بحكم الدين ما هو مباحي
مسلم على مذهبك ماني مسيحي

سلمت لك بارضاي قوة سلاحي
وعلى شواطي الود عندك مطيحي

قربك خلق مضمون دافع نجاحي
وأثمر ودادك في فؤاد ٍ صريحي

بين المحاني قلب مضناك ناحي
تجملي في حال صب ٍ طريحي

هام ونزع لك من بعيد النواحي
وأخترت مرسى جمرتينك ضريحي

صرتي هدف وآمال رحلة كفاحي
وما حدّ ( بصري ) حدني للوضيحي