من فوق أغلى أرض حلّق ومنصاك 

رؤية وطن من فوق هامات ومزون

وصفق يابو سلمان لإنجاز يمناك
وشعبك يصفق لك ويفخر وممنون

واضحك فداك عداك والعالم فداك
مع ضحكتك يضحك ثلاثين مليون

ولا يهمك من حسدنا وعاداك
حنا معك حنا لك دروع وحصون

نمشي على رؤية وتخطيط بإدراك
واهدافنا صارت قبل وقت مضمون

قبل امس نسمع رؤيتك ونتحراك
وحنا نعلق فيك آمال وضنون

واليوم شفنا صدق فعلك وشفناك
نرفع بك الهامه ونبهر بك الكون

ياسيدي جعل المنايا تعداك
ونحقق الأحلام وابليس ملعون