ياليل .. جمر المحبه .. دلته فاحت

ابتقهوى .. وأغني .. واشعل سجاره

حتى لو آخر حصون قلوبنا طاحت
الحب نحفظ حقوقه .. ونرفض إنكاره

وصدورنا .. عن عهود الود .. ماباحت
السر .. مهما جرا .. مانقبل اجهاره

حمامة الورق .. لولا الشوق .. ماناحت
والحب .. لولا الولع .. مافاضت أنهاره

الهاجس اللي سرابي .. شمعته ساحت
والبال .. طال السهر .. مارتّب أفكاره

ياوجد روحٍ .. لها شهرين .. ما ارتاحت
الشوق بأقصا حشاها .. ما انطفت ناره

على هنوفٍ .. رماني سهمها .. وراحت
الزين في وصفها .. يكشف عن اسراره

جبينها .. مثل نور الشمس .. لا لاحت
ماتشبه ألّا .. صباح الخير .. وأزهاره

عنقا .. غنوجٍ .. رويّة جسم .. لـ أجتاحت
ليل المزايين .. غصبٍ .. تخطف أنواره

شيهانةٍ .. عن دروب أهل الهوى .. شاحت
ولا درت .. عن خفوقٍ .. دكّة أسواره