ياهاتفي وصل مسج سرع هالحين
للي ملك قلبي ودايم على البال

خلي خليلي فالوفاء حافظ الدين
قلبه على المرسول بيرد بأوصال

لو ينتحاكى ليلنا طال ليلين
من غيبت الغالي ومن قل الإرسال

نشكي من الأشواق ياكامل الزين
يامزين السلسال يامزين الشال

عشاق غني لي على ليل ياعين
وأنا بغني لك على كل موال

بوحٍ يقال الحين ويعاد بعدين
يسري مع العشاق في كل جوال

ياخاطري ماهمني قول واشين
دامه ملك قلبي ودايم على البال