في عزلتي ساعات اعيش احلام ورديه
ابرك من الاحزان والتفتيش في الماضي
في عزلتي ابحرت بالافكار والنيه
ابرك عليه من مجالس حكيها فاضي
احدٍ يعيب افلان والفاضه عدائيه
متشائم بسلبيته زوّد لي امراضي
واحدٍ يدافع عنْه فالروحات والجيه
كنه وكيلٍ له وهو في مجلس القاضي
افراقهم عيدين عندي بالف عيديه
ارقى بتفكيري وفكري وقت إعراضي
واللي حكا عني و أسئلته فضولية
يسأل انا فوق السحاب او تحت الانقاضي
هو يحسب ان مالي علاقات اجتماعيه
بذكر جوابي له و عن ما قيل متغاضي
ماني وحيد الا حياتي ذي طبيعيه
انا شبيه البرق في صدر السما ناضي
اظهر بعد غيبه ولي جيّات لحظيه
برزت انا فيها وعن ما قيل متقاضي
حتى ولو يحسب حياتي إنطوائيه
دام الشعر فيها خليلٍ لي فانا راضي
والعزله اللي تصنع الابداع سحريه
ساحاتها وفجوجها اطويلات واعراضي
(
(
