يا مملكــة عزّ العرب والكرامه
ما فيه من دونك للإسلام قمه
يا دولة التوحيد تــاج الشهامه
ترى اجتماع الشرّ نقص ٍ وغُمّه
عبدالعزيز الفدغوش - الكويت
أنتي على كلّ الدول لك زعامه
لو إن بعض الناس محروق دمه
الليل لو خيّم وزوّد ظلامه
يجيه صبح ايشتّته مايلمّه
فرج قبلان العازمي- الكويت
الفُرس والأتراك نقص وملامه
ماعندهم للدين عهد ٍ وذمّه
واللي يدوّر عندهم للسلامه
يبشر بنار ٍ في صلاها تضمّه
محمود آل مخلص - الكويت
يا المملكة أنتي بلاد السلامه
وحاميك ربّ البيت في كلّ يمه
عدوّ دين الحق يكرب الجامه
وكيده وشره باقي ٍ وسط كمه
ضامية الود - الكويت
المملكة للدين ساس الزعامه
واللي ينافس ما بعد جتبه أمه
واللي يعاديها تراعد اعظامه
ايدور ادنى شي عنها يلمه
المهدي تركي - السعودية
القايد اللي معتلي كل هامه
على كتاب الله وشرع الأئمه
نسل الملوك اللي رفيع ٍ مقامه
حرّ ٍمعرّب بين خاله وعمه
منصور نايف الرويلي - السعودية
تبقين ياتاج الفخر والفخامه
درع الخليج وللمسلمين يمّه
واللي يدور في غيابك زعامه
يموت وأحلامه تموت بـ معمّه
عايض الشـويـهر - السعودية
لن يوصل الإسلام قمة سنامه
الإ بدار الله خلقها مهمه
هنا هنا أرض الفخر والزعامه
مهما اجتمعوا كم رمه ورمه
مبروك بن ماضي - السعودية
يا قبلة الإسلام فيك الزعامه
ياقمّة ٍ للدين في رأس قمّه
وإن جاك مضهودٍ تفكك نظامه
عن كاهله ينزاح حمله وهمّه
غازي عبدالله الرويلي - السعودية
عسى عدوك ينتكس للندامه
وتزيدحسراته ويزيد غمه
عشتي لنا دولة عزيزة كرامه
بقدرة الله احنا على الحق أمه
فجر الزهراني - السعودية
يا الله يا منشي رذاذ الغمامه
تخذل عدا الإسلام في كل يمه
والمملكة بأمن وأمان وسلامه
في ظل سلمان العرب والمهمه
علي سعود العجمي - الكويت
مـا همنـا جمع الدويـلات دامه
محصور بين أخوان والفرس ضمه
حنا هل الإسلام من وقت عامه
وأصبح لنـا في خدمة الدين همه
ماجد الدلبحي - السعودية
المملكة تبقى ليوم القيامه
عز العرب والدين دايم تضمه
ترى اجتماع الشر فيه الندامه
ماينصر الإسلام ويعز الأمه
محسن الخنين - السعودية
المملكة للدِّين سـاس الزعامه
لله بيت ٍ في حرمها تضمّه
هي منبع التوحيد صاين مقامه
وهي قبلة الإسلام من كل أمّه
جوهر الراوي - السعودية
المـملكة تـاج الفخـر والزعامـه
درة عـظيمة بيـن همـة وذمـه
بقـيادة الوافـين هامـة وقامـه
آل سـعود اللي رقـوا كل قـمه
أصايل نجد- السعودية
مكانتك تبقى ليوم القيامه
تاج ٍ على رأس العروبة والأمه
مافيه من دونك سلام وسلامه
ولافيه من دونك قيادة وقمه
فيصل الفايدي - السعودية
يادار عزك فوق عالي الغمامه
دستورك الإيمان قوة وهمه
يا محافظة لأمر الولي باستقامه
يا مسقية لأعداك مشروب سمه
غزيل سعد_الملتاعة - السعودية
يامفرّق الأمة عليك الملامه
سودا على وجه العدو مدلهمّه
المملكة رمز الوفا والسلامه
وراع الوفا شقر العصا مايهمه
الكنز المجهول - السعودية
اللي يشق الصف شاف الندامه
وذاق المهانة بين خاله وعمه
من يحترمنا شاف قدر احترامه
ومن خاننا سلمان بالكف خمه
موسى العنزي - السعودية
المملكة تاج الفخر والزعامه
ماهمها قمّة وهي تقود امّه
هذي منار الدين وهذي سنامه
وحضورها يجعل للإسلام همّه
سراب الويلان - السعودية
لا يشغلونك لابسين العمامه
على الحسد والبغض يطوي معمه
يدوم عزك لين قوم القيامه
يامنبع الاسلام وأرض الإمه
بنت راشد الوايلية - السعودية
الـمـمـلكة لـلـديـن تـبـقـى عـلامـه
لو ما بقى في داخل الروس ذمه
وش عـاد لـلإسلام دون الزعامه
لــو قـبـلة الإســلام مـاهي تـلمه
سميرة العتيبي - السعودية
دار الملوك ودار عـــزّ وفخـامـه
أرض ٍ حبــاها الله رفعة وقــمــه
وشْعارها التوحيد سلم وسلامه
عدوها خــايب وخــاسر مهـمـه
حنان آل فاضل - السعودية
يارب عز الدين وأرفع مقامه
وأخذل جموع الشر رأس المطمّه
تبـقـى بـلادي فخر رمز الشهامه
مـحميـة الأركـان سيـفٍ وهمه
أشجان نجد - السعودية
(
(
