يا الله عسى عقـب النذارة بشاره

وغيث الفرج والخير شرّف بشيره

كلّ ٍ يحـــط بعيــن الإخـلاص داره
ويجـدّ في نهـــج ٍ يعـــزّ المسيـره

عبدالعزيز الفدغوش - الكويت

الدور يبقى للمواطن وأثاره
يعزز طموحات البلاد الكبيره

وتدرون ويش المعرفة والشطاره
مثــــاليّ ٍ بالأولة والأخـــيره

المهدي الرياحي- السعودية

يا الله في خير ٍ يصدر قراره
ويعمّ خيره كل دولة وديره

ولعلّ كل ٍ يستقيم بمساره
وينعم بتحقيق الأمن والستيره

ماجد بن نوار السبيعي- السعودية

عقب الحجر والكل ماشاف جاره
أقبل علينا الخير رحمة وخِيره

وكوفيد شفنا يوم زاد انحساره
وأخذ الحذر واجب يحدد مصيره

عبيد المرزوقي - السعودية

كـلٍ مـعـه عـقـلـه يـحـكّـم قراره
لا يأخذ الـتـجـوال نـور البصيره

قيل الوباء خطرٍ سريع أنتشاره
أحذر تساهل بالأمور الخطيره

غزيل سعد الملتاعة - السعودية

يارب تجعل في الأمور استخاره
وتمدنا بالعـون في كل حيره

نفرح ليا جانا خبر في اختصاره
زال الوباء عن كل دار ٍ وديره

ماجد الدلبحي- السعودية

كلّ الأمر بأمر الولي و اختياره
والليّ حصل عبرة وللناس خيره

بالجهد والإخلاص جات الإماره
وبالصبر تتحقق أمور ٍ كثيره

بشرى الحضرمي - عُمان

سلمان خذ بعد التجارب قراره
والشعب واعي والأماني كبيره

أبدى شعوره بالخطر واقتداره
وإنه بفضل الله يقدر يديره

الزهيراء - السعودية

هذا الوبـ ـاء يا رب حـد انتشاره
واكبح جماحه وادحره مع خشيره

وكل أمـ ـر ٍ منْـ ـك ينطر إشاره
أنت الولـي والأمر عندك نشيره

جوهر الراوي - السعودية

لو قالوا الفيروس خفْ انتشاره
مازال باقي به عناصر خطيره

ورفع الحظر مافيه حفل وزياره
تيسير لأعمالك بفترة قصيره

غازي عبدالله الرويلي - السعودية

الحمد للي عزّ عبده وأجاره
الحمد للي مالنا رب غيره

بأمر الحكيم المطلع واقتداره
يصرم جذور الشر عن كل ديره

*صمت الوآيلية - السعودية*

يا الله بلم الشمل عقب إندثاره
وبشايرٍ تسعد نفوسٍ حسيره

فرحة تعم الشعب عقب المراره
وشمعة تفاؤل بالوطن مستنيره

روح الخمعلي - السعودية.

الله يكـف الـشـر عقب انتـشـاره
ويرفع جميع الضر عن كل ديره

وفيروس كورونا يزيد انحسـاره
من بعد ما عم البـلاد بـنـذيـره

موسى العنزي - السعودية

عسى السعادة بعد جو الكداره
تعم الخليج وكل شبه الجزيره

اللي حصل للناس فيه استخاره
على وعسى في الأمر خيرٍ وخيره

محسن الخنين - السعودية

أستبشروا والليل يصـبـح نـهـاره
مـابـعـد عسـر إلا يجيب اليـسيــره

اللـه رقـيبٍ فـي سـمــاه وبــحـاره
سبــحـانه اللـي عـالـمٍ بـالسـريــره

أصايل نجد - السعودية

زال الوباء وانزاح عنا غبــــاره
وأستبشرت كل الوجيه السفيره

وعسى الوباء يبــعد علينا مداره
وتنعم بالأفراح الجموع الغفيره

رواسي الهيلا - السعودية

ربي يهنّي كل مواطن بداره
يحرص عدل يمشي بقوانين ديره

هذا إختبار آخر لكم في المهاره!
نبي انتعاون لاتهاون وغيره!

خلود البراري -الكويت

يارب زال الشر وأبعد مساره
عم الفرح بالناس وأعلن بشيره

وكل الدول تسعد بعز وحضاره
تعيش مسرورة ويفلح مصيره

أشجان نجد - السعودية

العلم هذا صدق ماهو عياره
يا الليّ تعرف العلم فأسمع نذيره

لا تحسبن رفض الأوامر شطاره
حذراك من خوض الدروب الخطيره

فرج قبلان العازمي -الكويت